Huldeblyke stroom steeds in en haar geliefdes staan verstom oor die magdom eerbetoning. Ntombi Mekgwe, voormalige burgemeester (van Nigel en daarna CoE) en tans die speaker van die Gautengse Wetgewer, het gesê Karin se afsterwe is met groot skok ontvang.

“Karin het diep spore in die plaaslike gemeenskap getrap en ‘n groot en omvattende rol in haar hoedanigheid as werknemer by die stadsraad gespeel. Sy was soos ‘n sederboom – sterk, regop, reikend na bo, met oopgespreide arms, wat almal altyd in haar liefde, omgee en toewyding omvou en gehelp het,” het haar jarelange vriend David Niebuhr haar beskryf.

‘n Spesiale roudiens deur amptenare verbonde aan City of Ekurhuleni, word vandag by Nigel Stadsaal gehou.

Haar begrafnis vind op 30 Januarie vanuit die NG Moedergemeente Nigel plaas, waarna sy by Nigel Begraafplaas ter ruste gelê is.