Dit het Nigel Tuiste vir Bejaardes egter nie gekeer om hul bejaardes op Moedersdag (10 Mei) minder spesiaal te laat voel nie. Met die hulp van twee plaaslike apteke is elke vroulike inwoner op Moedersdag met ‘n lekkerny en geskenkpak bederf.

“Dit is vir ons as bestuur en personeel van die tuiste ‘n riem onder die hart en ons is dankbaar vir die bederf. Vanjaar se Moedersdagvieringe het onder moeilike omstandighede plaasgevind – die inperkingsregulasies weerhou kontakbesoeke en nie al die inwoners verstaan waarom familielede hulle nie meer besoek nie.

Met die heerlike eetgoed en geskenke, kon ons ten minste vir een dag weer ‘n glimlag op hul gesigte plaas,” het Marlene Primo (maatskaplike werker) gesê.