Johann en Annetjie Strauss van Suikerbosrand Makelaars het vir die tweede agtereenvolgende jaar die Santam toekenning vir Landbou Makelaar van die jaar ontvang.

Met dié toekenning gee Santam erkenning aan Suikerbosrand Makelaars vir hul harde werk oor ‘n tydperk van 35 jaar. Vir die Strauss-egpaar is dit 35 jaar waarin die rol van die landbouer altyd van belang was, want wanneer voedselproduksie of die landbouer bedreig word, staar die land se totale bevolking ‘n katastrofe in die gesig.

Suikerbosrand Makelaars bied sedert hul ontstaan in 1985 professionele diens wat met jare se ervaring in die versekeringsbedryf, praktiese ondervinding en toewyding aan hul kliënte, van krag-tot-krag gegroei het.

Skakel hulle by 016 341 2195 vir meer inligting, of besoek die besigheid op die hoek van Merz en Marestraat, Heidelberg.