Tenshinkan Karate se Nigel lede ontvang KSA- en Protea-kleure
Die toekennings is oorhandig aan die vegters in Durban in Julie, vir kleure ontvang in die wapen afdeling.
Lede van Tenshinkan Karate Nigel, asook instrukteur Shihan-Dai Leon Gagiano, is op 17 Julie in Durban met Karate Suid-Afrika (KSA)-toekennings vereer.
Die erkenning volg nadat die junior karatekas verlede jaar hul KSA-juniorkleure en die seniors hul Protea-kleure in die wapenafdeling verwerf het.
Die lede het Tenshinkan Karate in Oktober 2025 met trots in Wallis by die ICO Internasionale Kampioenskappe in die KSA se nie-skerpwapenafdeling verteenwoordig. Elkeen het ‘n goue-, silwer- of bronsmedalje by die kampioenskappe verower.
“Ons is uiters trots op die talentvolle studente wat ons dorp verteenwoordig. Ons studente het uitstekende prestasies gelewer,” sê Gagiano.
Gagiano het sy KSA Protea-kleure ontvang, Diandri Pretorius het haar KSA-juniorkleure ontvang, Julian Devenier is met Protea-kleure vereer en Dev Rampersad het KSA-juniorkleure ontvang.
