Een dood, talle beseer in drie padongelukke
Lede van die Msukaligwa Brand- en Reddingsdienste moes lewenskake gebruik om die oorledene uit die wrak los te sny.
Drie ongelukke, een daarvan noodlottig, het die afgelope tyd op die N2 tussen Ermelo en Piet Retief plaasgevind.
Die bestuurder van ‘n ligte motorvoertuig is verlede Donderdagaand op die toneel deur nooddienspersoneel van Mpumalanga Ambulansdienste dood verklaar en ‘n swaarvoertuigbestuurder is lig beseer in ‘n botsing reg van voor op dié pad.
Die botsing het omstreeks 21:30 sowat 50km vanaf Ermelo gebeur.
Die vragmotor wat ‘n vrag kunsmis vervoer het, het ná die botsing sowat 200m van die ongelukstoneel in die veld op sy sy tot stilstand gekom.
Die bestuurder is deur nooddienspersoneel van ER24 na die Ermelo Provinsiale Hospitaal geneem.
Vroeër die aand is drie mense lig beseer in ‘n ongeluk reg van voor by die kruising van die N2 en Havengaweg. Vier ander insittendes is ongedeerd.
Sondagmiddag het een persoon geringe beserings opgedoen toe die bestuurder van ‘n ligte voertuig beheer oor sy voertuig verloor het nadat ‘n band gebars het en dit van die pad geloop en omgeslaan het.
Vir meer nuus besoek gerus ons ander webblaaie.
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
BBM – 2667A726
WhatsApp – 0748877590
