Surika Struwig, graad 9-leerder van Hoërskool Ermelo, het aan die Inter Africa Cup 2019, wat by Penbritt Equestrian Centre in Johannesburg plaasgevind het, deelgeneem.
Daar was ruiters van Suid Afrika, Swaziland, Botswana en Namibië wat deelgeneem het.
Surika het tydens die opwarmingsklasse met beide haar perde vyfde plekke behaal.
Die kampioenskap-klasse het op 18 Mei plaasgevind en Surika het uitstekende prestasies opgelewer.
Sy het ’n tweede en ’n vierde plek in Elementary Medium-klas met haar perd, Midas Touch Jedi behaal en met Janic Fosfor het sy ’n derde en ’n sesde plek in die Elementary klasse verower.
At Caxton, we employ humans to generate daily fresh news, not AI intervention. Happy reading!
