CHRISSIESMEER – Chrissiesmeer polisie het 14 gesteelde skape ter waarde van sowat R35 000 teruggevind wat op 19 Julie van ’n plaas in die omgewing gesteel is.

Hoewel die vee aan die eienaar terugbesorg is, is die verdagtes wat verantwoordelik is vir die diefstal steeds op vrye voet.

Volgens die boer het hy tydens sy oggendroetine in die kamp opgemerk dat van die skape weg is.

Ná ’n vinnige telling het hy besef 14 skape is vermis en het hy dadelik die polisie gekontak.

Reaksiebeamptes het ’n oopgesnyde draad op die plaas aangetref, wat dui op ’n geforseerde toegang.

Die ondersoek het die polisie na ’n gebied naby Warburton gelei, sowat 25 km van die plaas af, waar hulle die 14 skape vasgebind aangetref het.

Lees die volledige berig in vandeesweek se Hoëvelder.