ERMELO – ’n 53-jarige sekuriteitswag is oorlede nadat hy tydens sy skof in Cloetestraat aangeval en oorrompel is.

Volgens Kaptein Mpho Nonyane-Mpe van die SAPD is die man met skoenveters vasgebind en doodgeslaan.

Die verdagte(s) het die perseel, wat vyf kantore insluit, beroof. Gereedskap ter waarde van ongeveer R16 900 is gebuit.

Nonyane-Mpe bevestig dat die saak ondersoek word. Tot dusver is geen verdagtes geïdentifiseer of in hegtenis geneem nie. Die aanklagte wat ondersoek word, sluit moord en diefstal in.

Die polisie versoek die publiek om enige inligting oor die voorval te deel en om waaksaam te wees teen moontlike verdagtes in die area.

Enigeen met inligting kan Konstabel Owen Sithole by 079 629 0512 kontak, die SAPS Crime Stop by 08600 10111 bel, of die MySAPS-app gebruik om inligting anoniem in te dien.