ACSU en Ermelo Polisie arresteer rooftogverdagte

ERMELO – In ‘n gesamentlike operasie is ‘n gewapende persoon op 16 Februarie op die N2 naby die Camden-kragstasie, gearresteer.

Dit volg nadat die Pongola-polisie inligting gedeel het oor ‘n verdagte wat betrokke was by ‘n ernstige gewapende rooftog.

Volgens die inligting was die man in die betrokke taxi en gewapen.

Lede van die plaaslike veiligheidsgroep ACSU, tesame met die Ermelo Polisie, het dadelik gereageer en die taxi suksesvol van die pad laat aftrek waarna die voertuig deursoek is.

Tydens die operasie is die verdagte positief geïdentifiseer en in hegtenis geneem.

Beamptes het ook beslag gelê op ‘n onwettige vuurwapen wat in sy besit was.