Help agt Annebel-dogters om matriekafskeidsdrome te verwesenlik

ERMELO – Saretha Ferns, die plaaslike takbestuurder en stigter van die Annebel-projek in Ermelo, moedig inwoners aan om hierdie inisiatief te ondersteun.

Annebel voorsien maandeliks noodsaaklike toiletware aan minderbevoorregte dogters, en volgens Ferns kry hulle maandeliks meer meisies by.

Die pakkies bevat onder andere sjampoe, deodorant, handeroom en sanitêre produkte.

Jy kan betrokke raak deur óf ’n Annebel-ma te word, óf deur middel van ’n skenking in hierdie bankrekening: Annebel Ermelo, Capitec, spaarrekening, 1667210473.

Daar is ook tans agt dogters in matriek wat hulp vir hul matriekafskeid benodig; haarafsprake, naels, grimering, kleredrag, ensovoorts.

Skakel Ferns by 082 302 5335 indien jy hierdie dogters kan help.