Dit lyk of dinge warm raak in Ermelo! Nadat Hoëvelder se redakteur Wayne van der Walt gister aangedui het dat ’n lasbrief vir sy inhegtenisname aan hom bedien is.

Hoëvelder het verneem van ’n betroubare bron dat die skoolhoof van Ligbron Akademie vir Tegnologie, Gerhard Brand, ook in hegtenis geneem is. Bloed is glo die losprys!

Die skoolhoof is “in hegtenis geneem” as deel van die Jail and Bail-bloedinsamelingsveldtog wat vandag, 22 November, plaasvind by die Suid-Afrikaanse Nasionale Bloeddiens.

Met humor en ‘n goeie doel as die fokus, word Ermelo se inwoners aangespoor om bloed te kom skenk en lewens te red – of om onskuldige burgers van hulle “tronkselle” los te koop!

Maak seker jy ondersteun die inisiatief. En onthou, elke druppel bloed maak ‘n verskil!