Aan die Ermelo-gemeenskap:

2024 was ‘n geseënde jaar.

Ons is dankbaar dat die skool vanjaar die mylpaal van 110 jaar van uitnemendheid kon vier.

Die Erries het elke moontlike geleentheid aangegryp, met sukses op bykans elke gebied.

Errie-passie, -trots en -lojaliteit was kenmerkend van 2024.

Hiermee ons opregte dank aan elke Errie wat op sy of haar unieke manier bygedra het tot die suksesse wat Hoërskool Ermelo vanjaar bereik het.

Dit sal in die jare vorentoe as ‘n glansjaar onthou word.

Baie dankie aan elke ouer wat die Erries tuis ondersteun.

Dit vorm deel van die EHS-wenresep.

Ons wil ook graag aan die Ermelo-gemeenskap erkenning gee vir julle wonderlike ondersteuning aan die Erries; baie dankie.

Die bestuur en personeel wens elke huisgesin ‘n geseënde Kersfees toe en ‘n nuwe jaar gevul met sukses.

Dit is ons gebed dat 2025 ‘n merkwaardige jaar met oorvloedige seën sal wees.
Errie-groete.