ERMELO – Denike Meyer (14), ’n gr. 9-leerder van Ligbron Akademie vir Tegnologie, is onlangs vir ’n ongelooflike geleentheid genomineer – om by ’n 10-dag-lange akademiese toer na Doebai aan te sluit.

Sy is vir haar uitstekende akademiese prestasies gekies en sal in Desember saam met ’n groep leerders die land besoek.

Tydens die toer is daar verskeie uitstappies na onder andere drie verskillende universiteite, waar hulle ook die geleentheid kry om ’n privaat lesing en inligtingsessies oor inskrywingsopsies by te woon.

Die groep sal ook die beroemde Burj Khalifa, ’n wolkekrabber, besoek. Dit is teen 829,8 m die wêreld se hoogste struktuur.

Denike, wat graag eendag siviele ingenieurswese of argitektuur wil studeer, sê dat dit beslis vir haar ’n hoogtepunt van die toer sal wees om dié toring te besoek.

Sy sien ook na die geleentheid uit om by verskeie universiteite in Doebai ondervinding op te doen en die moontlikhede van oorsese studies te ondersoek.

Lees die volledige berig in Hoëvelder.