WP Human, ’n gr. 11-leerder van Ligbron, is opgeneem in die Suid-Afrikaanse Stoeifederasie se nasionale o.17-span en sal Suid-Afrika verteenwoordig by die Afrika Stoeikampioenskappe.

Die kampioenskappe vind van 29 April tot 5 Mei in Casablanca, Marokko, plaas.

Topstoeiers van regoor die land is genooi om deel te neem aan die nasionale proewe, wat op 15 Februarie in Belhar, Kaapstad, gehou is.

WP het sy plek in die span met krag, tegniek en deursettingsvermoë oopgeveg en beïndruk in beide die vrystyl- en Grieks-Romeinse kategorieë.

“Ligbron se skoolgemeenskap is trots op hierdie jong stoeier en hou hom met groot verwagting dop,” het die skoolhoof, Gerhard Brand gesê.