Twee ongelukke volg kort ná mekaar in President Fouchélaan
Pres. Fouchélaan was vanoggend in rep en roer na twee afsonderlike motorongelukke binne 'n kort tyd plaasgevind het.
ERMELO – President Fouchélaan was vanoggend, 6 Mei, die toneel van chaos nadat twee afsonderlike ongelukke kort ná mekaar plaasgevind het.
Nooddienste en insleepdienste het ’n besige oggend beleef om die tonele van die botsings te hanteer.
In een van die insidente het twee Suzuki-voertuie in President Fouchélaan gebots.
Volgens ooggetuies is geen beserings in hierdie voorval aangemeld nie, en die polisie en nooddienste was vinnig op die toneel.
Net ’n ent verder in dieselfde straat het ‘n tweede, botsing plaasgevind, waar ’n bakkie en ’n ander voertuig naby die ingang van Hoërskool Ermelo gebots het.
Volgens ‘n insleepdienswerker wat op die toneel van die tweede ongeluk was, het daar glo vroeër die oggend ook ‘n ander ongeluk in Voortrekkerlaan, langs die Game-sentrum, plaasgevind.
