Ermelo hengelklub hou suksesvolle Winter Carp Classic
Hengelaars het ware toewyding getoon toe hulle in ysige weer vir groot karpe moes meeding.
Die Ermelo Basa Sosiale Hengelklub het op 29 Junie sy jaarlikse Winter Carp Classic by Ons Pan aangebied.
Die hengelaars het reeds vroegoggend na die dam vertrek, waar hulle die kouegetrotseer en so hul liefde vir die sport bewys het.
Dié klub het al die borge bedank wat die geleentheid moontlik gemaak het en die pryse verskaf het.
Die hoogtepunt was die jaarlikse toekenning van die Winter Carp Classic-titel.
Jaco Oosthuizen het as die algehele wenner uit die stryd getree, en Ollie Haward, verlede jaar se kampioen, het Oosthuizen se prys en trofee aan hom oorhandig.
Rassie Roux het die tweede grootste karp gevang, en Lakesh Maharaj die derde grootste.
Ten spyte van die ysige winterweer was die gees onder die deelnemers goed en het die dag bewys dat passie vir hengel nie deur die koue geblus kan word nie.
Volgens die klubvoorsitter, Jaco Oosthuizen, het almal die byeenkoms geniet.
Indien enigiemand by die klub wil aansluit, kan hulle hom by 082 336 6937 skakel, of op Basa se Facebook-blad gaan kyk vir datums en meer inligting oor komende kompetisies.
