ERMELO – Die Ermelo-polisie ondersoek ’n saak van strafbare manslag ná ’n noodlottige enkelvoertuigongeluk wat op 13 Julie by die afdraai na die Camden-kragstasie plaasgevind het.

Volgens kapt. Carla Prinsloo, die woordvoerder van die Ermelo-polisie, het ’n Toyota-voertuig, waarin slegs die bestuurder was, na bewering beheer verloor en teen ’n boom gebots.

Nooddienste is onmiddellik na die toneel ontbied, maar die bestuurder is dood verklaar.

Reddingswerkers moes spesiale toerusting gebruik om die liggaam uit die wrak te bevry.