ERMELO – Ebenezer Seuns is ’n omgeeprojek wat maandeliks in die basiese behoeftes van sowat 27 seuns van verskeie skole op die dorp voorsien.

Dié inisiatief, wat deur Carinché Pretorius op die been gebring is, het ten doel om hierdie seuns op te hef en by te staan.

“Elke seun verdien om goed oor homself te voel,” het sy gesê.

Die basiese pakkie wat elke maand aan hulle oorhandig word, is omvattend en sluit noodsaaklike persoonlike versorgingsprodukte in.

Dit bevat items soos lyfseep, tandepasta, ’n tandeborsel, waslap, sjampoe, ’n skeermes, spuitgoed, deodorant, haarjel, lipsalf, sneesdoekies en room.

Indien enigiemand by hierdie projek betrokke wil raak of ’n bydrae wil lewer, kan hulle Pretorius by 074 213 2237 kontak.

Die Ebenezer Seuns-projek is ’n bewys van hoe ’n gemeenskap ’n tasbare verskil in jong lewens kan maak.