’n Vragmotor het vroeër vandag met ’n Nissan 1400 bakkie gebots waar Havenga en die N2 Piet Retiefpad kruis, naby die Mercedes/De Witts-handellaar in Ermelo.

Volgens omstanders het die bakkie ’n U-draai probeer maak en het dit voor die trok beland.

Gelukkig kon die vragmotorbestuurder betyds rem, wat die skade beperk het asook enige ernstige beserings.

Polisie, asook Van Wettens en Ermelo Towing Services, was op die toneel en die ongeluk is spoedig opgeruim.

Die insident het slegs ’n kort onderbreking in die verkeer veroorsaak.