Kaskar slaan om tydens JJ van der Merwe se markdag
Paniek, gelag en ’n dramatiese val: ’n kaskar-ongeluk het tydens die jaarlikse markdag by JJ van der Merwe se baan plaasgevind.
Laerskool JJ van der Merwe het op 27 Augustus sy jaarlikse kaskar- en gr. 7-markdag aangebied.
Tussen die geesvang en die vrolike markstalletjies het daar egter ook ’n onverwagte oomblik afgespeel wat die toeskouers vir lank sal onthou.
Sien al die foto’s: HIER
Mnr. Jac Fourie, het saam met twee leerders, Owen Janse van Rensburg en Jacus van der Merwe, in ’n span deelgeneem.
Gewapen met sy sonbril en ’n stewige hoody wat hy soos ’n valhelm styf op sy kop vasgemaak het, het die meneer en die seuns vol entoesiasme weggespring.
Die noodlottige eerste draai
By die eerste draai het dinge egter totaal skeefgeloop.
Die paniek was duidelik op die gesigte van Owen en Jacus te bespeur toe die kaskar net op twee wiele om die draai kom.
Mnr. Jac was, daarenteen, selfversekerd, min wetend dat hy nie meer beheer oor die kaskar gehad het nie.
Vir die twee seuns en al die toeskouers was dit egter duidelik dat die draai nie gemaak sou word nie – en toe slaan die kaskar om!
’n Grasieuse val met ‘bones in the light’
Mnr. Jac het eerste kennis met moeder aarde gemaak, heel grasieus, moet bygesê word.
Kort daarna het Owen eers bo-oor die kaskar geval en toe bo-op mnr. Jac beland, voete in die lug.
Die toneel is met skaterlag deur die omstanders begroet, maar sonder om ’n oomblik te verloor, het hulle gou weer opgestaan, afgestof en met die wedloop aangegaan.
Lees die volledige berig in Hoëvelder.
