Laerskool JJ van der Merwe blink uit by Super 12

Atlete van Laerskool JJ van der Merwe het Saterdag aan die Super 12-atletiekbyeenkoms in Pretoria deelgeneem.

Dié byeenkoms het by Hoërskool Menlopark plaasgevind. Die atlete het altesaam een goue, een silwer en vier brons medaljes ingepalm.

Die medaljewenners is:

• Serraõ Pieterse: Goud in die 60 m-item, sowel as ’n brons medalje in die 80 m
• Ruben Bisschoff: Silwer in die 1200 m
• Altus van Wyngaard: Brons in die 60 m
• Daniël Potgieter: Brons in die 70 m-hekkies
• Mianke Theron: Brons in die 200 m.