Local news
Vier voertuie betrokke by ongeluk in Kerk- en Tautestraat, Ermelo
Vier voertuie was oomblikke gelede in Ermelo se Kerk- en Taute-straat in ’n botsing betrokke. Die pad is oop vir verkeer.
ERMELO – Vier voertuie was oomblikke gelede in ’n botsing betrokke by die Kerk- en Tautestraat-kruising.
Die voertuie wat betrokke was, sluit in twee Volkswagen Polos, ’n Renault en ’n Mercedes.
Nooddienste, insluitend die provinsiale ambulansdienste, plaaslike polisie, verkeersbeamptes, insleepdienste en die Msukaligwa Brand- en Reddingsdienste, is vinnig na die toneel ontbied.
Een bestuurder is deur ambulanspersoneel behandel, maar die omvang van sy beserings is tans onbekend.
’n Vrou wie se voertuig in die parkeerarea van ’n aangrensende onderneming gestaan en beskadig is, is ook deur mense in die area bygestaan en vir skok behandel.
Motoriste word aangeraai om alternatiewe roetes te gerbuik terwyl die toneel opgeruim word.
At Caxton, we employ humans to generate daily fresh news, not AI intervention. Happy reading!
