ERMELO – Ligbron Akademie se siviele leerlinge het die afgelope naweek aan die Suid-Afrikaanse Instituut van Siviele Ingenieurswese se jaarlikse brugboukompetisie wat by Laerskool Goedehoop in Secunda gehou is, deelgeneem.

’n Totaal van 21 spanne uit agt skole het met mekaar meegeding.

Ligbron se spanne het onderskeidelik tweede, derde en vyfde geëindig. Brûe word volgens hulle ontwerp, die gewig daarvan, asook die gewig wat die brug kan dra, beoordeel.

Ligbron se brug, wat tweede plek gehaal het, kan ’n gewig van 57,3 kg dra. Die brug wat derde geëindig het, kan 37,7 kg dra.