Die graadtwaalfs van Ligbron Akademie vir Tegnologie het die spanning van die rekordeksamen afgeskud, hul vere reggeskud en in volle styl die matriekafskeid aangepak.

Hierdie glansryke geleentheid het by die pragtige Smitsfield Venue plaasgevind.

Die aand het met spoggerige aankomste en elegante uitrustings afgeskop, en die leerders het duidelik moeite gedoen om die geleentheid onvergeetlik te maak.

SIEN OOK: GALLERY – A stylish send-off for Ligbron matric learners

Die graadelfs het met hul kreatiewe Modern Moroccan-tema die dekor reggekry, wat die perfekte atmosfeer vir hierdie spesiale aand geskep het.

Soos die son gesak het, het die matrieks hulself vir die volgende stap in hul lewens voorberei, maar eers is daar gedans, gelag en saam herinneringe gemaak.