Lenie van Zyl, adjunkhoof en onderwyseres van Ligbron Akademie vir Tegnologie, het tydens die National Teachers Awards derde geëindig in die afdeling vir uitnemendheid in wiskunde.

Die glansryke verrigtinge het by die Birchwood Hotel in Boksburg plaasgevind.

Van Zyl, wat al 38 jaar aan Ligbron verbonde is, het duisende leerders gehelp om wiskunde te verstaan en te waardeer.

Volgens haar help die vak leerders om logies te dink, probleme op te los en selfvertroue te ontwikkel.

“Om daardie ‘Ek verstaan nou!’-oomblik te sien, bly vir my die grootste beloning,” het sy gesê.

Meer besonderhede in die gedrukte uitgawe van die Hoëvelder.