Die Toyota Gazoo Racing SA Ermelo Tydwedren se rondes 5 en 6 het plaaslike en nasionale kampioenskapsryers saam op Ermelo se uitdagende roetes gebring.

Benjamin Habig en Barry White het albei rondes in hulle Volkswagen Polo gewen en hul posisie in die NRC1-klas versterk.

Jono van Wyk en Nico Swartz het in ronde 6 net 14 sekondes agter die voorlopers geëindig nadat tegniese probleme hulle in ronde 5 vroeër laat uittree het.

Ander deelnemers moes swaar werk om die roetes te trotseer.

Plaaslike renjaers, Paul van Niekerk en Willemjan Human, sowel as Johan Strauss sr. en navigeerder Caro Storm, het in verskillende rondes probleme met hul motors beleef, wat hul wedstryde beïnvloed het.

Johan Strauss jr., of Johantjie, het saam met navigeerder Kemaine Venter in ronde 6 weens tegniese probleme nie die eindstreep bereik nie.

Ten spyte van die struikelblokke het die bestuurders hul vaardigheid, moed en vasberadenheid getoon.

Vir die volledige berig, maak seker om vandeesweek jou kopie van die Hoëvelder te kry.