Spartan keer vermeende winkeldief in Kerkstraat aan
Verskeie items is in ’n vrou se besit gevind nadat ’n winkelbestuurder Spartan in Kerkstraat ontbied het.
ERMELO – ’n Vrou is op gister omstreeks 12:15 by ’n winkel in Kerkstraat aangekeer nadat verskeie items in haar besit gevind is tydens ’n vermeende winkeldiefstalvoorval.
Volgens inligting van Jaco Krik van Spartan Training & Security het die winkelbestuurder die veiligheidsmaatskappy ontbied nadat die vrou se gedrag agterdog gewek het.
Terwyl Spartan Security op pad was, het die winkelbestuurder die vrou na die agterkant van die winkel geneem. Klere, spuitprodukte en seep is in ’n KFC-sak gevind.
Van die klere was volgens Spartan Security afkomstig van ’n ander winkel.
SIEN OOK: Spartan Security Services responds to theft, two women arrested
Die betrokke winkelbestuurder is gekontak nadat die vrou geen betaalstrokies vir die items kon toon nie.
Namaakjuwele is ook in haar besit gevind.
Spartan se ondersoek het aangedui dat items van minstens twee winkels afkomstig was.
Volgens die veiligheidsmaatskappy was die vrou alleen betrokke by die beweerde diefstal en is sy aan die plaaslike SAP oorhandig.
