Besigheidsmanne bederf kinders vir Kersfees
Die kinders was bederf met 'n spesiale besoek deur Kersvader en tonne lekkers.
Honderde kinders was die afgelope naweek bederf deur ‘n paar van Krugerdorp se besigheidsmanne.
Sowat 170 kinders van Krugersdorp-Wes, asook Burgershoop en Appelpark, was bederf met ‘n vroeë Kersfeespartytjie by die Burgershoop Gemeenskapssaal.
Die dag was met die hulp van West Rand Pack, Riverside en Monument Liquor Warehouse se borgskappe volmaak wat gesorg het vir smullende boereworsrolletjies, koeldrank en natuurlik … tonne lekkers.
Vrolik geverfde gesiggies het die terrein vol baljaar terwyl ander kinders op die springkastele gespring het.
‘n Spesiale besoek van Kersvader en ‘n handjievol hansworse het ook gesorg vir pret en vermaak vir die dag.
Elke huisgesin was ook geseënd met ‘n vrugte- en groentepakkie om huistoe te neem.
‘n Rondte waterballongeveg het gesorg dat die kinders afkoel tydens die hittige sommer’s middag.
Met ‘n breë glimlag op die gesig is elke kind huistoe met ‘n kersgeskenk en ‘n lekkerpakkie.
“Baie dankie vir al die borge wat hierdie dag moontlik en spesiaal gemaak het. Ons wens almal ‘n geseënde Kersseisoen toe,” het Doris van Zyl, organiseerder vir die dag van die Teddy Bear Angels, gesê.
Verwante artikels:
• [VIDEO] Father Christmas made an emergency stop in Krugersdorp
• Christmas fun for mentally handicapped kids
