Laerskool Kenmare (Kennies) het in Julie lekker gebak en gebrou tydens ‘n prettige spanbou-aktiwiteit.
Volgens Iza Loubser van Kennies is die personeel in spanne verdeel en op ‘n skattejag gestuur. Hulle moes verskeie leidrade bymekaar maak en volg om versierings op te spoor.
“Elke span het ‘n tema gehad en moes ‘n koek versier met die versierings. Daarna is selfs pryse uitgedeel vir die beste koeke. Sanger Pieter Koen het nog meer vermaak verskaf,” het sy gesê.
Na ‘n middag van heerlike peuselhappies en lekker kuier het hulle besluit om die nege koeke vir Laerskool Ebenhaeser te skenk.
“Dit was groot pret om vir ons personeel op so ‘n manier dankie te sê vir al hul harde werk. Hulle het dit vreeslik baie geniet,” het Iza ten slotte vertel.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
