Talle feesgangers is sommer vroeg uit die vere om die La’t Wiel Fees van Laerskool Ebenhaeser te ondersteun.
Al het onweer gedreig om die aktiwiteite te bederf, het dit niemand gekeer om hulself ten volle te geniet nie.
Die Ebies-rugbyveld was gepak met aktiwiteite vir die hele familie. Daar was ‘n pretpark, sprinkastele, waterspele, 5D-Motion Pictures asook trein- en kameelritte vir die kleingoed terwyl pappas en oupas hulself kon verkyk aan veteraanmotors en -motorfietse.
Talle mammas en oumas het die geleentheid gehad om allerlei stalletjies, waar onder meer smullekker kos verkoop is, te besoek. Verder kon leerders aan die Mnr en Mej La’t Wiel-kompetisie deelneem, dit op ‘n vreesaanjaende helikopterrit waag en ook bekende en plaaslike kunstenaars ondersteun.
Feesgangers was veral opgewonde toe gaskunstenaar Leah haar verskyning gemaak het en ‘n paar bekende treffers gesing het. Haar optrede saam met kitaarspeler Rudolph Botha het talle aanhangers op hul voete gekry en op die maat van die musiek laat dans.
Organiseerder Riana Taljaard het vertel hoe dankbaar sy is teenoor elke persoon wat die geleentheid bygewoon het, en dié wat so hard gewerk het.
Om na nog foto’s van die geleentheid te kyk, kliek hier
Do you perhaps have more information pertaining to this story? Email us at krugersdorpnews@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
