35 Kennies-krieketspelers haal Gauteng-Wes
35 jong krieketsterre van Laerskool Kenmare is opgeneem in vyf Gauteng-Wes spanne, ’n groot mylpaal en moontlike stap na provinsiale speelvlak.
Talle krieketspelers van Laerskool Kenmare is gekies om Gauteng-Wes Krieket te verteenwoordig.
• Lees ook: Van afslaan tot liefdadigheid: Kennies hou gholfdag
Volgens Kennies se sport-, kultuur- en bemarkingshoof, Peter du Toit, sal die seuns van 3 tot 6 Oktober in Johannesburg aan die Gauteng-kriekettoernooi deelneem.
In totaal is 35 spelers gekies in die o.9-, o.10-, o.11-, o.12- en o.13-ouderdomsgroepe.
Hulle het reeds aan verskeie oefenwedstryde deelgeneem en dit is ’n ongelooflike prestasie om deel te wees van só ’n span,” het Peter gesê.
Hy het bygevoeg dat die leerders al in die sogenaamde ‘pyplyn’-struktuur van Suid-Afrikaanse krieket is.
“Die ‘pyplyn’-struktuur beteken jy word dopgehou en jou kanse verbeter om provinsiaal te speel,” het hy afgesluit.
