Bastion wys wie’s baas
Die skool het ook dié seisoen ‘n verstommende totaal van 26 Sentraal-Wes-spelers opgelewer.
Hoërskool Bastion se rugbyspelers hul harte uitgespeel tydens hul laaste tuisbyeenkoms in die Goue Leeus Liga toe hulle teen Hoërskool Linden kompeteer het.
Op Saterdag, 9 Junie het die o.15A-span teen Linden gewen en is deur na die uitspeelrondtes.
Vir die matriekseuns was dit egter ‘n baie emosionele dag aangesien dit hul laaste tuiswedstryd vir hul skool, en ook die laaste wedstryd van die liga was.
Die skool het ook dié seisoen ‘n verstommende totaal van 26 Sentraal-Wes-spelers opgelewer.
“Al die spanne het ongelooflik goed gevaar. Ons is veral trots op die eerstespan wat sewe uit sewe wedstryde in die Puk-rugbyreeks gewen het,” het Wesley Pretorius, Bastion se rugbyorganiseerder vertel.
Verder spog Bastion met B-spanne in al die ouderdomsgroepe asook ‘n derdespan in die grootskoleliga.
“Vir my lê die sukses in die holistiese ontwikkeling van elke speler. Hier word afrigters en spelers ontwikkel. Ons ontwikkel die B-spanspeler in ‘n A-spanspeler,” het Wesley gesê.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
