Monnas aangewys as beste rugbyskool
'Die trots en passie van die rugbyspelers, afrigters en ondersteuners is uniek.'
Die skolerugbywebtuiste ruggas.co.za het hul jaarlikse prysuitdeling in September in Kaapstad gehou.
Gedurende die geleentheid is Hoërskool Monument (Monnas) aangewys as die RUGGAS Rugbyskool van die Jaar. Monnas se rugbyhoof en eerstespanafrigter, Tjaart van der Walt is boonop aangewys as Afrigter van die Jaar.
“Dit is ’n voorreg om elke dag my passie te kan uitleef, veral by ’n tradisionele skool soos Monnas. Die trots en passie van die rugbyspelers, afrigters en ondersteuners is uniek en ek is dankbaar teenoor my Hemelse Vader vir die seëninge,” het Tjaart gesê.
‘n Ouer van Monnas, Jenny de Villiers is aangewys as RUGGAS se Fotograaf van die Jaar, en ‘n Monnas Graad 8-leerder, Tian Vorster was op versoek van RUGGAS die seremoniemeester tydens die toekenningsaand.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
