Monnas moker vir goud
Na middagete en met reën wat gedreig het, het Monnas hul telling begin verdedig.
Hoërskool Monument (Monnas) het koning gekraai toe hul eerstekrieketspan aan die Suid-Gauteng Krieketfinale vir eerstespanne deelgeneem het.
In Oktober het Monnas die loot teen Hoërskool Noordheuwel gewen en besluit om eerste te kolf. Op 29 vir 2 was Monnas ietwat in die moeilikheid.
Ethan Klassen, Monnas se topordekolwer het egter ander planne gehad toe hy begin het met ‘n verbete terugvegpoging. In sy prag kolfbeurt was hy in 53-lopiekolfvennootskappe betrokke.
Saam met Duanne Grobler het hy 67 lopies om die derde paaltjie, 69 lopies om die vyfde paaltjie saam met Dylan Lues en 57 lopies om die sewende paaltjie saam met Zayne Human gemoker.
Ethan het uiteindelik 134 lopies van 125 balle aangeteken en na 50 boulbeurte het Monnas op ‘n heel skaflike 280/8 geëindig.
Na middagete en met reën wat gedreig het, het Monnas hul telling begin verdedig. Gedissiplineerde boulwerk en goeie veldwerk het tot gevolg gehad dat Noordheuwel met reëlmaat paaltjies verloor het.
Clayton Schutzler het vier paaltjies vir 50 lopies in sy 10 boulbeurte laat kantel. Hy is goed bygestaan deur Owen Klassen met boulsyfers van 9-0-33-3.
Monnas het die wedstryd met 64 lopies in die 47ste boulbeurt beklink.
Do you perhaps have more information pertaining to this story? Email us at krugersdorpnews@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
