Honderd jaar van atletiek by Noordskool
As deel van hul eeufeesvieringe het Noordskool 10 ander laerskole genooi om sake op die atletiekbaan en -veld te kom uitspook.
Laerskool Krugersdorp-Noord het onlangs ‘n groot geleentheid van hul jaarlikse atletiekbyeenkoms gemaak deur 10 laerskole in die omgewing te nooi vir ‘n dag van vriendskaplike kompetisie. Dit was deel van die skool se eeufeesvieringe.
Die laerskole wat genooi is, het oor die jare noue bande met Noordskool gesmee. Hulle is Horison, Randfontein, Dr Havinga, Jan Cilliers, Fochville, Fontainebleau, Florida, Helderkruin, Muldersdrif en Monument Primary wat in groot getalle opgedaag het. Daar het ‘n goeie gees geheers toe die eerste skoot om 2nm geklap het en die jongste atleetjies op hul kort beentjies verby die skare geblits het.
Talle atlete het hierdie geleentheid gebruik om hulself te bewys en die onderskeie skole kon ook hul eie spanne finaliseer wat aan ander byeenkomste gaan deelneem.
Ondanks die reën was die byeenkoms ‘n reuse sukses.
Do you perhaps have more information pertaining to this story? Email us at krugersdorpnews@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
