Noordskool-atlete dring deur na Gauteng Kampioenskappe
Noordskool se atlete het alles uitgehaal tydens die Krugersdorp Kampioenskappe en talle het eerste plekke behaal.
Laerskool Krugersdorp-Noord het onlangs baie goed presteer tydens die Krugersdorp Kampioenskappe waar 56 skole se atlete meegeding het om die gesogte topplekke.
Dit was duidelik dat dit die topatlete van elke kluster was wat aan die kampioenskappe deelgeneem het. Die kompetisie was straf en Noordskool moes hard werk om bo uit te kom.
Die atlete wat die beste tydens dié kampioenskappe presteer het, het in aanmerking gekom vir deelname aan die Gauteng Kampioenskappe. Daar was talle van Noordskool se topatlete in dié groep.
In die spiesgooi en gewigstoot het Zahné van den Berg (o.13) en Miguel Correia do Ribeiro (o.13) eerste plekke behaal.
In die verspring het die eerste plekke gegaan aan Klara Vahrmeijer (o.11), Kaitlin Zinn (o.12) en Barnard van der Westhuizen (o.10).
Barnard het ook eerste geëindig in die 80m- en 100m-naellope.
Onder die ander presteerders was Keegan Coetzee met ‘n vierde plek in die 1 200m, JJ Basson was tweede in die hoogspring, Michael Nel was tweede in die 70m-hekkies en Aidan Coetzee het in die 60m vir o.8’s tweede geëindig.
