Die pawiljoene van Laerskool Muldersdrif was onlangs volgepak met geesdriftige leerders en ouers.
Dit was tyd vir Laerskool Muldersdrif, of Mullies, se eersterugbyspan om teen Laerskool Protearif, of Proties, se eerstes te staan te kom.

Al die rugbymanne het hard gespeel om hul wedstryde te wen – van die heel jongstes tot by die eerstespan.
Proties se eerstes het eerste op die veld uitgedraf, gevolg deur Mullie die Meerkat en Mullies se eerstes.
Na ‘n taai wedstryd was dit egter Proties se eerstespan wat naelskraap koning gekraai het met ‘n telling van 26 teenoor Mullies se 25.

Muldersdrif se o.8-, o.10- en tweedespan het egter almal as oorwinnaars uit die stryd getree.
Mullies se tweedespan het met ‘n telling van 21 teenoor 19 gewen, en die o.10’s het 36 punte teenoor Proties se 21 behaal.
Die toeskouers het lekker gees gevang om hul rugbyspanne aan te spoor.