Die manne van Letaba het sterk begin en vleuel, Armand van Niekerk, het vroeg in die eerste helfte reg onder die pale gaan druk. Heelagter, André Klopper het die drie verdoel.
Klopper het twee strafskoppe ook tussen die pale deurgestuur om ‘n 100% skoprekord in die wedstryd te handhaaf.
Letaba het die skrums oorheers en het goeie balbesit gehad, maar kon ‘n paar geleenthede in die eerste helfte nie in punte omskep nie.

Potties het in die tweede helfte egter twee drieë gaan druk en in een doelskop geslaag om twaalf punte aan te teken.Ten spyte van ‘n geel kaart aan agsteman, Marco van Deventer, het Letaba aan die een punt voorsprong vasgeklou om die wedstryd 13-12 te beklink.
“Ja, hy het ‘n geel kaart gekry, maar hy het uitstekend gespeel en is my speler van die wedstryd as dit nou nie vir die kaart was nie,” vertel afrigter, Jaco Moller.
Die manne van Letaba-rugbyklub dra ook hulle innige simpatie oor aan Armand van Niekerk, wie se broer Saterdag skielik oorlede is.

Lees ook: Letaba Rugby Club is more than a sports club

“Letaba se manne is saam met jou,” sê Moller. Letaba se volgende ligawedstryd is op 21 Mei teen hulle ou vyande van Louis Trichardt-rugbyklub op hulle tuisvelde by Letaba-skougronde.
Spelers wat belangstel om by die klub aan te sluit kan Bennie Kruger op 083 635 1731 skakel.