Die byeenkoms het by Winnfield Stalle in Polokwane plaasgevind. Minandi Schalekamp skuif op van ‘n vlak 1 na ‘n vlak 2-ruiter. Tayla von Pannier skuif van vlak 1 na vlak 2 en Sujana Olivier het van ‘n vlak 1- na ‘n vlak 3-ruiter opgeskuif. Op die eerste dag van die byeenkoms tydens die SANESA kwalifiseerder behaal Laila le Roux (vlak 0) ‘n sesdeplek en Daniéle Bornman, (vlak 0) ‘n agtsteplek. Minandie Schalekamp (vlak 1) vat 12de-plek en Danica Coetzee (vlak  2) behaal eersteplek.

Tayla von Pannier (vlak 2) behaal ‘n tweedeplek en Minette Wolmarans (vlak 2) behaal vierdeplek. Sujana Olivier (vlak 3) vat vierdeplek en AJ van der Westhuizen (vlak 4) behaal vierdeplek. In die SAWMGA kompetisie behaal Le Roux 15de-plek en Bornman vat derdeplek. Schalekamp vat sesdeplek en HJ van Wyk (vlak 1) vat sewendeplek. Von Pannier en Wolmarans behaal tweede- en derdeplek, onderskeidelik. Coetzee vat tweedeplek en Olivier behaal vierdeplek.

Lees ook: Merensky riders in action at Bela-Bela games

Anja Beukes (vlak 3) behaal sesdeplek en Van der Westhuizen vat vyfdeplek in die dag se kompetisie. Op die tweede dag van die kompetisie tydens die SANESAkwalifiseerder behaal Bornman tweedeplek en Le Roux vat derdeplek. Wolmarans behaal ‘n eersteplek en Von Pannier behaal tweedeplek. Schalekamp behaal derdeplek en Coetzee vat ook derdeplek.

Olivier behaal vyfdeplek en Van der Westhuizen doen goed om eersteplek te vat tussen die vlak 4-ruiters. In die SAWMGA-kompetisie behaal Bornman tweedeplek en Le Roux is 12de op die uitslae. Wolmarans vat eersteplek in die kompetisie en Von Pannier vat tweedeplek. Coetzee behaal tweedeplek en Schalekamp vat derdeplek. Olivier vat sesdeplek en Beukes behaal ‘n sewendeplek. Van der Westhuizen neem nog ‘n eersteplek. Die volgende byeenkoms is vir 15 Julie geskeduleer.