TZANEEN – Op Saterdag, 23 Augustus, het dertien swemmers van Laerskool Tzaneen Limpopo verteenwoordig tydens ‘n interprovinsiale gala wat in Mbombela plaasgevind het.

Die span het teen sterk mededinging uitgestyg en ’n indrukwekkende medalje-oes huis toe gebring.

Onder die uitblinkers was Amery Vermaak (o/9) met drie goues, en Luan de Wet (o/9) wat vier goues ingepalm het. Joshua Bekker (o/12) het dubbel goud gewen en drie silwers bygevoeg, terwyl Inge du Plessis (o/12) goud en twee silwers verower het.

Daarbenewens het Milan Janse van Rensburg, Leandi Liebenberg, Jake Whitaker, Jacques Liebenberg en Anru Schalekamp ook medaljes gewen, terwyl ander swemmers puik plekke behaal het en belangrike punte vir die span verdien het.