Twee spanne van Letaba die naweek in aksie
Twee spanne van Letaba Rugbyklub sal Saterdag uitdraf vir vriendskaplike wedstryde by Louis Trichardt Rugbyklub se gewilde Conway rugbydag.
Die tweede rugbyspan sal om 12:00 teen Louis Trichardt se derdes in aksie wees in hulle laaste vriendskaplike wedstryde voor die liga afskop.
Die eerste rugbyspan sal om 16:00 teen Musina se eerstes speel. Letaba se manne het twee weke gelede goed gevaar om die span van Musina te klop in ‘n vriendskaplike wedstryd op Musina. Die eindtelling in die stryd was 25-19 in Letaba se guns.
Lees ook: Letaba se eerstes wen Musina wegwedstryd
Die naweek sal die eerstes poog om wen ‘n gewoonte te maak. Die liga skop af met wegwedstryde vir beide spanne teen Potties volgende naweek en tuiswedstryde volg die naweek daarna teen Noordelikes op 20 April.
Om saam met Letaba Rugbyklub te oefen of vir meer besonderhede, skakel die klub se voorsitter, Bennie Kruger by 083 635 1731, Dippies de Beer by 078 538 3508 of Carel O’Neill by 079 693 2292.
