Die Leonards het omstreeks 06:00 hul twee St Bernards dood in hul erf in Njalastraat (Kanonkop) gekry. Die Schnauzer is steeds by die veearts vir behandeling. Die boosdoeners het hierdie hondjie van kop tot tone sommer met die vleis en gif gesmeer toe sy nie daarvan wou vreet nie.

Wat die gesin omkrap, is dat dit al die derde keer in twaalf jaar is dat hul honde vergiftig is.

Lees ook: Twee huisrowe laasnag

Hulle het onraad vermoed toe hulle ’n skroewedraaier voor die motorhuis optel. Skade aan die motorhuis wys dat hulle dit wou gebruik om die motorhuis van onder af oop te maak.

In die oprit is ’n handskoen met gif daaraan gekry.

In dieselfde tyd is die dooie honde gevind. Oral in die erf is gif opgetel en aan die palissadeheining het ’n sakkie met gif gehang.

Die een inbreker se mus is in ’n tak in die bure se boom, waar hulle waarskynlik oor die muur geklim het, gekry.

Lees ook: Nuusflits: Kaper druk man in bagasiebak

Dit is helder verlig buite met lige en hulle vermoed dat iets die boewe moes gepla het, waarop hulle gevlug het.