Nuusflits: R5 000 beloning nou na R10 000 verhoog as jy dié man kan opspoor
Al is daar reeds twee weke ’n R5 000 beloning op die kop van ’n man wat hom voorgedoen het as ’n huiskoper waartydens ’n duur ring gesteel is, is hy steeds op vrye voet.
Me. Natalie Pretorius (van Middelburg) se duur ring van bykans R300 000 en ’n horlosie van sowat R40 000 is op 6 September deur ’n groep wat hulle voorgedoen het as huiskopers uit haar badkamer gesteel.
Die mense, ’n man en twee vroue, het hulle voorgedoen as huiskopers en was so oortuigend dat sy hulle toegelaat het om in te kom.
Lees ook: Video – Huiskopers wat steel
Die man en een van die twee vroue het haar besig gehou, terwyl die ander vrou die juwele gesteel het.
Die man het op ‘n stadium vir me. Pretorius ’n mis-oproep gegee, waarna me. Pretorius se broer, Stolla Tocknell, hom met die “Truecaller” Toep (App) geïdentifiseer het as Vuyo Alset.
Lees ook: Pasop! Hulle steel blitsig
Beide mnr. Tochnell en www.mobserver.co.za het met mnr. Alset probeer kontak maak, maar hy ignoreer alle navrae.
Die familie het eers ’n R5 000 beloning aangebied wat hulle Vrydagoggend na R10 000 verhoog het. Die beloning word uitgeloof vir enige inligting wat daartoe sal lei dat Alset, of selfs enige van die twee ander vroue vasgetrek word.
Enige inligting kan deurgegee word aan konst. Lazarus Mtshweni by 013 249 1678.
Lees ook: So lyk gesteelde juwele
