‘Wapens, marteling en moord’ plaasaanvalle se motief
Memorandums wat die erns van plaasaanvalle bepleit is Dinsdag deur Afriforum by verskeie polisiestasies in Mpumalanga, waaronder Middelburg, oorhandig.
Hennie Bekker, distrikskoördineerder van Afriforum Mpumalanga, sê dat die doel van die memorandums was om bewuswording op plaaslike vlak te verhoog asook om ekstra druk op die polisie te sit om plaasaanvalle as prioriteitsmisdaad te sien.
“Ons noem in die memorandums die brutaliteit van plaasaanvalle asook die kwesbaarheid van boere, wie se naaste bure dikwels kilometers van hulle af bly. Plaasaanvalle moet as prioriteitsmisdaad gesien word.”
“Dit is selde wat plaasaanvalle diefstal georieënteerd is. In die meeste van die voorvalle is wapens, marteling en moord die motief,” sê mnr. Bekker.
Lees: Pa ‘skiet’ gesin uit gevaar tydens plaasaanval
Hy sê dat Afriforum tans poog om strukture te versterk om geweldsmisdaad in dorpe en op plase te beveg.
Lees: Boer dood voor helikopter hom kon oppik na plaasaanval
Die memorandums is by polisiestasies in:
- Barberton,
- Bethal,
- Davel,
- Delmas,
- Ermelo,
- Hendrina,
- Leandra,
- Machadodorp,
- Middelburg,
- Morgenzon,
- Nelspruit,
- Piet Retief,
- Secunda,
- Standerton,
- Sundra,
- Trichardt en
- Witrivier oorhandig.
Al die polisiestasies het die memorandums positief ontvang sê mnr. Bekker.
