Opvolg: Neline verdagte in hof
Die eerste hofverskyning van die 17-jarige seun teen wie ’n aanklag van ontvoering ondersoek word, het stil-stil in die kinderhof plaasgevind.
Die seun, in ’n gekreukelde blou T-hemp, was vergesel deur sy ma, sy regsverteenwoordiger en die ondersoekbeampte.
Sy ma, wat klein langs hom gelyk het, het met albei haar arms styf om sy middel geklou en hy het sy regterhand om haar skouers gehad, terwyl hulle na die kinderhofsaal aangestap het.
Daar was onsekerheid oor waarheen die seun gaan terwyl hy wag vir sy volgende hofdatum. In ’n gesprek buite die hofsaal het die familie se regsverteenwoordiger gesê dat hy nie gaan versoek dat die seun in sy ma se sorg vrygelaat word nie, “ter wille van jou en jou ander kinders se veiligheid.”
Sy ma wou hom nie in die selle laat bly nie en het telefonies gesoek vir ’n plek van veiligheid waar hy kan bly tot sy volgende hofverskyning.
“Asseblief! Kan jy hom kom haal?” het sy ma oor die foon gepleit met ’n onbekende persoon.
Die seun staar ’n aanklag van ontvoering in die gesig nadat hy na bewering vir Neline van Zyl (13) van Middelburg na Groblersdal vervoer het en op sy ouers se plaas versteek het. Sy is ses dae na haar verdwying by ’n gastehuis in die Loskopdam area opgespoor naby die Damwal sentrum.
Daar is vanmiddag 17:00 ’n samekoms voor die Van Zyl gesin se huis op die hoek van Hexrivier- en Keiskammastraat om dankie te sê vir haar veilige terugkeer nadat daar laasweek Sondag deur sowat 200 mense gebid is vir haar terwyl sy weg was.
Opvolg: Dankseggings vir Neline se terugkeer
Video: Parents plead for return of missing daughter
Video – Opvolg: Beloning vir Neline
Opvolg: Dorp vat hande en soek Neline
Opvolg: Gemeenskap soek maar geen Neline
Send a message to our SMS line 37 940 or add us onto Facebook and Twitter @Mobserv to receive your free daily news updates.
Also check out our Video’s on Youtube daily!
