Die mans sal in aanhouding bly tot hul volgende verskyning, wanneer hulle regsverteenwoordigers van die regshulprad aangestel sal word en hulle formeel vir borg gaan aansoek doen.

Hul name word op versoek, as gevolg van ’n steeds sensitiewe ondersoek, weerhou.

Intussen is een van die rowers, wat ernstig beseer is tydens die aanval, steeds in ’n bedenklike toestand in ’n hospitaal.

Daar is vertroulik verneem dat twee van vyf verdagtes vrygelaat is. Dit laat talle vrae ontstaan by mense wat by die soektog betrokke was.

Na wat verneem word, het ’n polisie offisier by die Laersdrift Polisiestasie, die twee verdagtes ondervra en besluit dat hulle nie met die voorval verbind kon word nie. Dit ten spyte daarvan dat een van die verdagtes gearresteer is nadat sy skoene met spore op die toneel verbind is.

Een van die bewysstukke, ’n Samsung tablet, is nooit by die SAP 13 bewyse stoor ingeboek nie. Talle ooggetuies het dit op die toneel sien lê. Dit is deur ’n polisieman in uniform opgetel, kort nadat dit begin lui het. Op daardie stadium was daar nog net lede van die Laersdrift Polisie op die toneel.

Nuusflits: Twaalf val boere aan

Opvolg: Soektog na aanvallers duur voort