Gerda Roberts het pas by die huis aangekom, nadat sy haar kleindogter Chanté Botes, by die skool gaan oplaai het.

In haar oprit het ‘n wit motor met sy neus na die straat toe parkeer gestaan. Die hek was oopgetrek.

“Ons het gedink dit is my oupa toe stop ons langs hom,” het ‘n getraumatiseerde Chanté vertel.

‘n Man met ‘n vuurwapen het op hul afgestorm en hul beveel om die motor se deure oop te maak. Hy het deur me. Roberts se handsak gesoek vir waardevolle items.

Nog rowers het die twee vroue die huis ingesleep en die deur agter hulle toegemaak. Hulle het twee televisiestelle en juwele uit die huis gebuit en in ‘n wit sedan gevlug.

Niemand is beseer nie. Die polisie is tans besig om leidrade op te volg.