Honde vergiftig vir motorfiets
Twee Jack Russell hondjies is Sondag in die vroeë oggendure in Morkelstraat vergiftig, waarna die boosdoeners ’n motorfiets gesteel het.
Me. Linda Uys sê haar man het omstreeks 04:30 opgemerk dat hul hondjie, Bella, hom nie, soos gewoonlik, inwag by die deur nie. Sekondes later het hy die hondjies, Bella en Fiefie, dood gekry.
Met verdere ondersoek is gesien dat hul seun, Niel (18) se motorfiets, ’n Bashan 250cc, registrasienommer FTF157MP, uit die motorhuis gesteel is.
Die waarde van die motorfiets is sowat R20 000.
As enige persoon die motorfiets opmerk, bel 062 911 3544.
•’n BMW motorfiets is Vrydagoggend omstreeks 06:00 by Bike City by die Middelburg Mall gesteel. Die booswigte het die voordeur oopgebreek en die motorfiets, ’n BMW S1000 RR, registrasienommer, JDD421MP (waarde R180 000), gesteel vanaf die skouvloer.
Die inbrekers het ook volledige leer motorfietsrypakke en leerbaadjies gesteel.
Wat uniek is op die motorfiets is dat die uitlaatpyp onlangs vervang is met ’n Austin Racing uitlaatpyp. As enige persoon die motorfiets opmerk, bel mnr. Fick by 079 912 2567.
•Die afgelope paar weke is daar talle honde vergiftig.
•Saterdag moes ’n veearts ’n hond uitsit in Uitbreiding 18 nadat die hond erg siek geword het weens vergiftiging en nie deurgehaal sou kon word nie.
•Verlede week het mnr. Carlo van der Westhuizen laat weet dat gifstrooiers verlede Donderdag vir die derde keer by hul huis in Colleylaan (Dennesig) toegeslaan het.
Hul twee baba langbeen foksterriërs is helder oordag gif gevoer. Gelukkig het sy vrou vroeg afgekom van werk en met die hondjies na die veearts gejaag.
Twee maande gelede het hy ’n R10 000 beloning aangebied vir inligting, nadat hul twee lieflinghonde vergiftig is.
Twee weke gelede is ook hul twee nuwe jong Jack Russels en ’n Deense hond vergiftig.
•Net twee dae nadat mnr. Van der Westhuizen se honde twee weke gelede vergiftig is, is die jong hondjie van mnr. Bennie Landmanin in Blesbokstraat (Kanonkop) vergiftig.
•Drie weke gelede is daar ook honde in SADCstraat vergiftig.
Lees ook:
Video: Opruimingswerk begin na drie damwalle breek weens wolkbreuk
Annica van Staden slagoffers verloor duisende
VIDEO: Seekoei kuier op Elandslaagte
Soek jy nuus op ’n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Kliek op die skakel om te registreer om ons nuusbrief met die jongste nuus per e-pos te kry
Het julle vir ons ’n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
