Bester Maree van Acsu Sekuriteit in Hendrina sê volgens hulle inligting is die bestuurder deur ’n verkeerskonstabel in Hendrina voorgekeer en gevra vir sy bestuurslisensie, nadat die vragmotor onwettig geparkeer gestaan het.

Marli Wolmarans, kantoorbestuurder van Acsu in Hendrina, sê dat die bestuurder na bewering vir die verkeerskonstabel gesê het dat as sy sy lisensie soek, sy dit by sy bestuurder kan gaan vra.

Hy het versuim om dit te gee en het weggejaag. Die verkeerskonstabel het om agterna gesit maar die trok het geweier om te stop. Acsu reaksie offisier op patrollie het die voorval gesien en hand bygesit. Die trok het met die Arnotpad uit Hendrina gejaag en die polisie is ook intussen ontbied.

In die jaagtog wat gevolg het, het die vragmotor byna met polisievoertuie en privaat motors gebots.

Acsu Sekuriteit reaksie-offisiere het die vragmotor agterna gesit. In ’n poging om die swaar voertuig tot stilstand te bring, is een van die trok se wiele uitgeskiet. Die vragmotor is uiteindelik in Arnot voorgekeer en die vragmotorbestuurder is gearresteer.

Een van die reaksieoffisiere het die vragmotor terug Hendrina toe bestuur. Die vragmotor behoort aan ’n groot kettingwinkel.