Me. Corrie Kasselman sê hulle is kort voor vyfuur wakker geklop met mense wat hulle in kennis gestel het dat die water uit die grond uit spuit.
Met nadere ondersoek het hulle gesien dat die watermeter deur die nag gesteel is.

Hulle het kort daarna verneem dat nog drie ander watermeters gesteel is.

“Die water spuit al ure so en met hierdie pappery gaan my muur omval! Wie gaan vir die skade betaal?” het me. Kasselman bekommerd gesê.

Lees ook: Weeberstraat inwoners ‘spoel weg’ na watermeters afgesteel word

Rdl. San-Mari Wait sê die diefstal van die watermeters is al vir meer as ses weke ’n ernstige probleem in Groenkol en Mineralia.

“Byna elke nag word daar watermeters beskadig of gesteel. En al wat hulle vat is daardie klein stukkie koper!”

Sy vertel dat daar elke keer skade aangerig word weens die baie water wat die lug inspuit en in erwe en selfs in huise en motorhuise beland.
Rdl. Wait vra dat mense dadelik die polisie moet kontak as hulle sien iemand breek die watermeters.

Alternatiewelik kan hulle hierdie probleme aanmeld by die volgende nommers: 013 249 7344, 013 249 7348, 013 249 7349 of 013 249 7207.